【低成本移英．Rent to Buy之優缺點】

Rent to buy scheme 係政府幫助上樓嘅計劃，概念係5年時間以8折市場價值租用物業，將平咗嗰兩成錢儲起嚟，5年後用嚟做首期購買物業。

我當時處境係高息環境，再加上一家四口嘅續簽證、永居及入籍費高達£25000（仲未計未來加價），衡量過買樓唔係一個太好嘅選擇。

優點：

- 新樓設備全新，雖然都係全電，如保暖、通風系統、新暖爐、大容量boiler，都可以幫到慳電費及對身體健康有好處。

- 簽約只需簽一年fixed term，之後就變rolling，唔駛再簽fixed term，業主每年得一次機會review租金；同埋呢5年都只會租俾同一租客，如5年後無選擇購買物業，業主先有權唔續租。所以租客權利較多，主導權較大。

- Pet friendly，業主唔會因租客有寵物而加價。

缺點

- 有入息門檻及甄選，業主會睇你有無機會5年後儲到錢買到樓。

- 樓宇以5年後價值買入，就算5年後跌咗都只會以開售時價值購買。

-一定要租夠5年才可購買物業。

總括而言，Rent to Buy計劃可提供至少5年穩定居所，市價8折租金，有主導中斷租約的權利。